Nuk të panë por ishe
Ishe ne hazreti Ademin. Nuri yt ishte aty kur Zoti ia fali mëkatin.
Nuk ishe aty, por ishe me hazreti Nuhin.
Drita yte ishte kur ai ndërtoi anijen e shpëtimit.
E derisa vërshimi i ujit barte gjithçka me
vete dhe toka bashkohej me qiellin, edhe vërshimi të dërgonte selame.
Nuk ishe aty, por ishe me Ibrahimin a.s.,
kur i vetmuar në shkeretëtirë e luste Allahun për ty...
Amin thonin tetëmbëdhjetë mijë botëra...
duke ngritur duart që ndriçoheshin me nurin tënd.
Amin tha edhe Ismaili.
Edhe kodra e ndritur – Hira
Edhe Uhudi
Edhe Medineja, të gjithë thonin AMIN
Nuk ishe aty, por ishe me Hazreti Isën,
kur me të prekur shëronte të sëmurët dhe i ringjallte të vdekurit.
Nuk ishe aty, por ti ishe kur ai njoftoi
ardhjen tënde o Ahmed!
Ti ishe gjithmonë, se momentin kur ti
mungoje të prisnin nënat e përlotura.
Ato duke qarë i përkëdhelnin vajzat e
tyre, e duke qarë i veshnin dhe
përcjellnin për vdekje...
Kur ti nuk ishe, të gjalla dhe të
pafajshme i varrosnin nën dhe.
Duke qarë, ardhjen tënde e prisnin zemrat
e nënave...
E gjithë Meka të priste, të priste e
gjithë bota... Toka e Rabbit lutej, e yjet dhe hëna të përjetonin, gjithçka
ishe në pritjen tënde, ja Resululallah...
Edhe Eminja e ndershe të priste
Edhe robërit e jetimët e prisnin ardhjen
tënde, për sigurinë që do ta sjellësh, për dashurinë që do të vijë me ty
Për moment gjithçka u qetësua...
Dhe.... ti erdhe ja Resulallah, erdhe në
mesin tonë, Ja Habibullah.
Afër teje Xhibrili a.s. nga ushtria e
dritës...ngriti zërin e të tha:
“O Muhamed, kurorë e qiellit, Kuranit dhe
ummetit,
O Muhamed, mëshira e botrave dhe gjithë
njerëzimit”
Falënderit Halikut që ty të krijoi,
Falënderim Rrahmanin që me këtë emër të
emëroi...
Me ty zbriti edhe mëshira, sepse ti je
mëshira e të Gjithmëshirshmit.
Dhe të kishe pyetur: “Kush jam unë”
Edhe shkëmbinjtë edhe malet e bile edhe
fëmijët e posalindur, po edhe të vdekurit do të shqiptonin: ”Ente Resulullah”
Ti je i dërguari i Allahut.
Kur erdhe kishe heronjtë e tu, heronj që
të shoqëruan në rrugën e Allahut.
Kishe Ebu Bekrin, që pranoi kafshmin e
akrepëve helmues, vetëm për mos ta prishur gjumin, ja Resulallah. Sa të donte
ty o i Dërguar i Allahut. A do të ketë dashuri më të madhe në këtë botë?
Kishe Enesin i cili në Uhud, kur u hap
lajmi për vrasjen tënde, i pyeste ashabët e hutuar: “Pse po rrini”? E ata i
thanë: “I dërguari i Allahut është vrarë”
Pas kësaj ai u kishte thënë:
“Ç’na duhet jeta neve pa të, vazhdoni e
luftoni sikur ai”.
Dhe kur beteja mbaroi, ai kishte rënë
shehid. Edhe atë çfarë shehidi, o Nebijj!!!
Nga plagët askush nuk e njihte përveç
motrës së tij e cila e njohu nga gishtrinjët.
Kishe edhe Hubejbin kur mekasit e tërbuar
e malltretuan dhe e pyetën
A do të doje që tani në vendin tënd të
ishte Muhamedi?
Ai me plot mburrje tha: “Për Zotin, më parë do të pranoja të sakrifikohesha me
gjithë familjen time, sesa Muhamedit t’i hinte vetëm një therrë”.
E kishe Musab bin Umejrin i cili në Uhud
barte flamurin tënd...Të tillët me shpirt të donin ...
Kishe edhe shumë të tillë....
Dhe ti shkove, dhe mbeti mërzia...
Mbeti edhe Bilali që nga dhembja as ezanin
më s’mund ta thirrte...
Që kur vinte radha të thotë: Muhammed
Resulullah”, binte në gjunjë nga mërzia dhe humbte vetëdijen...
Ti shkove, e ne vinim...
Vinim në botën ku ti më nuk ishe
Erdhëm në botën, që ty nuk të ka, por ti
je këtu...
Sepse ti do të jesh këtu, derisa sa të
ekzistojë edhe shehidi i fundit
Se ti do të jesh këtu derisa edhe jetimi i
fundit të jetë në këtë botë
Ti këtu je e do të jesh...
Se kur Ebu Talibi bëhej gati të nisej për
Sham, ti u ule para deves të tij duke i
thënë: “Ku po më le mua? Ti po shkon, me kë të rri unë kur nuk kam as nënë e as
baba”?? Dhe Ebu Talibi nuk të la...
Ashtu edhe ti nuk na le neve Ja
Resulullah!
Nuk e le këtë ummet të munduar që nuk e ka
askënd, Ja Shefijallah!
Nuk na le vetëm neve ja Habiballah, se kur
ti je në mesin tonë, është ndihma e Allahut, pa ty na pret dënimi i ashpërt, o
Rahmetul Alemin!
Dhe kur Hazreti Omeri erdhi të kërkojë
leje për ta bërë umre-n, ti i the: “A dëshiron që në lutjet tua të gjesh vend
edhe për mua?”
O Resulallah, ne nuk jemi Omeri, por të
gjitha lutjet tona qofshin për ty...
O Allah, përcjellja Resulullahit, se e
kemi përkujtuar!
O Zoti ynë, le të jenë, mijëra salate e
mijëra selame për të!
O Allah, shpërbleje me vendin më të lartë
në Xhenet, e neve na tako me të o Mëshirues, o Falës i Pafund.
Shpërbleje atë dhe shpërblena ne që sonte
po e përkujtojmë.
Na fal neve o Zoti ynë
Na fal...
(Tekst i përgatitur për Manifstimin me rastin e Ditëlindjes së Muhamedit a.s. në Kumanovë (29 janar 2013)
No comments:
Post a Comment